Animalia Exotikoak

Gero eta etxe gehiagok erabakitzen dute animalia exotiko bat familiari gehitzea. Bitxia bada ere, animalia exotikoa txakurra edo katua ez den guztia da: untxiak, huroiak, hamsterrak, hegazti eta narrasti mota guztiak, hala nola muskerrak edo dortokak. Eta baita arrainak ere!

Zaunka Albaitaritza Klinikan gure kide animalia exotikoetan espezializatuak, Improve International eta ISVPS-ren bidez animalia exotikoen Klinika eta Kirurgiako GPCert-a lorturik, jakintza eta maitasunez artatuko ditu zuen ugaztun txiki eta narrasti guztiak.

Zuen maskotak behar dutenean artatzeaz gain, nutrizio- eta mantentze-aholkularitza eskainiko dizue, zuen laguntzaileek ahalik eta bizi-kalitate onena izan dezaten ziurtatzeko, animalia exotikoei dagokienez bizi-baldintzak erabakigarriak baitira hainbat gaixotasun saihesteko orduan.
Badakigu gaixotasun-zantzuak oso sotilak direla, eta horregatik garrantzi berezia ematen diegu etxean antzeman dituzuen xehetasun guztiei, eta pozik erantzungo diegu zuen zalantza guztiei.